மீண்டும் காப்பி பேஸ்ட் - பிஜே புத்தகத்தில் இருந்து ஆட்டை போட்டு கட்டுரை உருவாக்கி கேவலப்படும் நிருபர்கள்!

திருடர்கள் ஜாக்கிரதை....

தவ்ஹீத் ஜமாஅத்தின் சிறை நிரப்பும் போராட்டத்தை பற்றி தப்பும் தவறுமாகவும், இட ஒதுக்கீட்டில் முஸ்லிம்களுக்கு பலன் கிடைக்கவில்லை என்று பொய்யான தகவல்களையும், தவ்ஹீத் ஜமாஅத்தின் மீதும், சகோதரர் பிஜே மீதும் பல்வேறு அவதூறுகளை அள்ளி வீசியிருந்தார்கள் நிருபர்கள் என்ற அறிவாளிகள். இவர்களின் முதல் கட்டுரைக்கு நாம் கொடுத்த பதிலடி இவர்களை திக்குமுக்காட வைத்தது. இதற்கு பதில் சொல்லுகிறோம் என்ற பெயரில் இவர்கள் மீண்டும் உளரித்தள்ளினார்கள். அந்த பதிலுக்கு நாம் கொடுத்த பதிலடி இவர்களை பின்வாங்க வைத்தது. இதற்கு மேல் நாம் உளரினால், நமக்கு கேவலத்திற்கு மேல் கேவலம் என்று நமது இரண்டாவது பதிலடிக்கு பதில் தர முடியாமல் பின்வாங்கி, தங்களின் பொய் முகத்தை மக்களுக்கு அடையாளம் போட்டு காட்டிவிட்டார்கள்.

நமது எந்த சவால்களுக்கும் பதில் தரமுடியாமல் பின்வாங்கியது நாம் எடுத்த வாதங்களில் உள்ள உண்மையை உணர்த்தியுள்ளது, அல்ஹம்துலில்லாஹ்.

நிருபர் கும்பல் தனது ஆக்கத்தில் ஒரு மிகப்பெரும் அவதூறை அள்ளிவிசியது, அதாவது, பிஜே அவர்கள் புத்தகம் போட்டு பணக்காரர்களின் பட்டியலில் இடம்பெற்றுவிட்டார் என்று. இது குறித்தும் நமது இரண்டாவது பதிலடியில் சவாலை முன்வைத்திருந்தோம், பொய்யர்கள் பின்வாங்கி விட்டார்கள். ஒன்று பிஜே மீது இவர்கள் வைத்த குற்றச்சாட்டுகளை நிரூபிக்க முன்வந்து இருக்க வேண்டும் அல்லது தவறாக சொல்லிவிட்டோம் என்று மன்னிப்பு கேட்டிருக்க வேண்டும். இவர்கள் இந்த குற்றச்சாட்டை நிரூபிக்க முன்வராததன் மூலம் தங்களை பொய்யார்கள் என்று நிருபித்துவிட்டார்கள். தங்களின் தவறை தவறு என்று மன்னிப்பு கேட்டிருந்தால், நாம் இந்த கட்டுரை வரைய வேண்டிய தேவை வந்து இருக்காது. 

இவர்கள் புகழுக்காக அங்கும் இங்கும் கருத்துக்களை காப்பி பேஸ்ட் செய்து பக்கத்தை நிரப்பி, தங்களை பெரிய ஆய்வாளர்களை போல காட்ட வேண்டும் என்பது தான் இவர்களின் நோக்கமாக உள்ளது. இதை நமது பதிலிலும் சொல்லியிருந்தோம். பிஜே மக்களை வழிகெடுக்கிறார், பிஜே மற்றவர்களை வசைப்பாடுகிறார், ஒற்றுமையை உடைக்கிறார் என்றெல்லாம் விமர்சனம் செய்யும் இவர்கள் பிஜேவின் புத்தகத்தில் இருந்தும், பிஜேவின் கட்டுரைகளில் இருந்தும் ஆட்டை போட்டு சமீபத்தில் ஒரு சில கட்டுரைகளை வெளியிட்டுள்ளார்கள் (இதற்கு முன்பும் பல ஆக்கங்களில் பிஜேவின் ஆக்கங்களில் இருந்து ஆட்டையை போட்டு பல கட்டுரை வரைந்துள்ளார்கள் அறிவாளி (?) நிருபர்கள்). 

நாம் கட்டுரை எழுதும் போது மற்றவர்களின் கருத்துகளை எடுத்து எழுதுவது தவறா என்றால், அவ்வாறு எடுத்து எழுவது தவறில்லை, எப்போது தவறில்லை என்றால், இந்த கருத்துகளை நாம் இங்கிருந்து எழுத்துள்ளோம் என்று சுட்டிக்காட்டினால், அது தவறில்லை. இவர்கள் யாரோ ஆய்வு செய்து எழுதிய ஆய்வுகளை எடுத்துப்போட்டு, இவர்கள் செய்த ஆய்வு போல காட்டுவது நியாயமா? பிஜேவையும் தவ்ஹீத் ஜமாஅத்தையும் கண்ணை மூடிக்கொண்டு எதிர்க்கும் இவர்கள், தவ்ஹீத் ஜமாஅத்தின் ஆக்கங்களை ஆட்டை போடுவது சரியா? ஒன்று தவ்ஹீத் ஜமாஅத்தை எதிர்க்கக்கூடிய இவர்கள், தவ்ஹீத் ஜமாஅத் சம்பந்தப்பட்ட ஆக்கங்களை காப்பி செய்யாமல் இருக்க வேண்டும் அல்லது எடுக்கும் பட்சத்தில் இங்கிருந்து எடுத்துள்ளோம் என்பதையும் சேர்த்து சொல்ல வேண்டும். 

நிருபர்கள் வெளியிட்ட காப்பி பேஸ்ட் கட்டுரைகள் கண், உறுப்பு மற்றும் உடல் தானம் குறித்ததாகும். கண், உறுப்பு மற்றும் உடல் தானம் குறித்து அறிவியல், குர்ஆன் ஹதீஸ் ஒளியில் ஆய்வு செய்த மார்க்க அறிஞர் யார் என்று சொல்லி தெரிய வேண்டியது இல்லை. இது குறித்து பிஜே செய்த ஆய்வுகளை ஆன்லைன் பிஜேவில் இருந்து, பத்தி பத்தியாக காப்பி பேஸ்ட் செய்து, வார்த்தை பிரயோங்களை கூட மாற்றாமல் இவர்கள் கட்டுரை உருவாக்கியுள்ளார்கள். இவர்களின் கட்டுரையில் வந்துள்ள ஒரு சில தகவல்களை தவிர்த்து மற்ற அனைத்தும் ஆன்லைன் பிஜே இணையதளம் அல்லது பிஜே அவர்களின் புத்தகங்களில் இருந்து வார்த்தைகளை கூட மாற்றாமல் எடுக்கப்பட்டது (ஆன்லைன் பிஜேவில் உள்ள ஆக்கங்களை யாரும் எடுத்து எழுதக்கூடாது என்று விளங்கி கொள்ளக்கூடாது, எடுத்து காட்டும் போது, அதை எடுத்த இடத்தை குறிப்பிட வேண்டும், இது ஆன்லைன் பிஜேவிற்கும் மற்ற இடங்களுக்கும் பொருந்தும்).

அதிரை தவ்ஹீத் ஜமாஅத்தின் இணையதளத்தில் தொழில்நுட்ப கோளாறு ஏற்பட்டுள்ளது என்று மற்ற தளங்களில் வந்த செய்தியில், கோளாறு தளத்தில் மட்டுமல்ல, தவ்ஹீத் ஜமாஅத்திடமும் உள்ளது என்று கருத்திட்ட கட்டுரையாசிரியர் அவர்கள் இவ்வாறு செய்வது சரியா? 

நிருபர்கள் காப்பி பேஸ்ட் செய்த கட்டுரைகளின் ஸ்கீன்சாட் கீழே (பக்கம் பக்கமாக காப்பி அடிக்கப்பட்டுள்ளதால், பல ஸ்கீன்சாட்டுகளாக இணைக்கப்பட்டுள்ளது).

கண்கள் இரண்டும் காப்பி பேஸ்ட் செய்யவா?

மேலே நாம் எடுத்துக்காட்டியுள்ள அவர்களின் கட்டுரைகளை ஸ்கீன்சாட்டிலோ அல்லது அவர்களின் தளத்திலோ சென்று படித்துவிட்டு, கீழ்காணும் ஆன்லைன் பிஜே கட்டுரைகளையும் படித்துப்பாருங்கள், கண், உடல் மற்றும் உறுப்பு தானங்கள் பற்றி அதிக விபரமும் காப்பி பேஸ்ட் விபரமும் கிடைக்கும்.

1. உடல் தானம் செய்யலாமா?
2. இறந்தவரின் உடல் உறுப்புகளை தானம் செய்ய இஸ்லாம் அனுமதிக்கிறதா?
3. தானம் செய்த கண் சொர்க்கம் செல்லுமா?

வரிக்கு வரி ஆன்லைன் பிஜேவில் காப்பி அடித்தவர்கள், ஆன்லைன் பிஜேவின் லிங்கையோ அல்லது ஆன்லைன் பிஜேவில் இருந்து எடுக்கப்பட்டது என்ற விபரத்தையோ சொல்ல மறுப்பது ஏன்? ஆன்லைன் பிஜே என்று சொன்னால், ஆன்லைன் பிஜேவிற்கு விளம்பரம் கிடைக்கும் என்பதாலா? அல்லது உங்களை மற்றவர்கள் நன்றாக ஆய்வு செய்துள்ளார் என்று புகழ வேண்டும் என்பதற்காகவா? இல்லை, எதிரியின் தகவல்களும் வேண்டும், அதே நேரத்தில் எதிரிக்கு பெயரும் கிடைக்கக்கூடாது என்பதற்க்காகவா? 

ஆன்லைன் பிஜேவில் இருந்து எடுத்த விபரத்தை சொல்லாதவர்கள், ஆன்லைன் பிஜேவில் இருந்து எடுக்காமல் மற்றவர்கள் இது குறித்து ஆய்வுகள் எதுவும் செய்து இருந்தால் அதை எடுத்து போட்டு இருக்கலாம் அல்லவா?

குறிப்பு: 

கட்டுரை எழுதிய சகோதரர் மீது எமக்கு நல்ல அபிப்பிராயம் உண்டு. அவருக்கும் நிருபர்கள் சமீபத்தில் அள்ளிவிசிய குற்றச்சாட்டிற்கும் சம்பந்தம் இல்லை. அதே நேரத்தில், கட்டுரையாளர் வேண்டுமென்றே ஆன்லைன் பிஜேவில் எடுத்த செய்தியை மறைத்து இருப்பதை ஏற்க முடியாது. 

Posted in: இட ஒதுக்கீடு , உளறல் , புகழ் விரும்பிகள் , போலிகள் , மட நிருபர் , மன்மத நிருபர்