பதவி வெறி என்றால் என்ன என்று பாடம் நடத்திக்காட்டிய வாத்தியார்!
ம.ம.கட்சியின் மூத்த தலைவர் வத்தியாரின் பதவி வெறி ரொம்ப முற்றிப்போய் அந்தப் பதவி வெறி மிக உச்சத்தை எட்டியுள்ளது.
கடந்த வாரம் பத்திரிக்கைகளில் வெளியான செய்தி அவர் எந்த அளவிற்கு பதவி வெறி பிடித்து அலைகின்றார் என்பதைப் படம் பிடித்துக்காட்டியுள்ளது.
சமீபத்தில் வக்ஃபு வாரியத்திற்கு உறுப்பினர்களை நியமித்து தமிழக அரசு உத்தரவு பிறப்பித்தது. அதில் நமது ஜால்ரா மன்னனின் பெயர் இடம் பெறவில்லை. இந்த அளவிற்கு அம்மாவிற்கு சிங்கி அடித்து, ஜிங்சா தட்டியபோதும், அ.தி.மு.க.வினரே ஆச்சர்யப்படக்கூடிய அளவிற்கு அம்மா புகழ் பாடிய போதும் தனக்கு அதில் இடம் வழங்கப்படவில்லையே என்று நொந்து கொண்ட நமது ஜால்ரா மன்னன் சீறி எழுந்தார்.
வக்ஃபு வாரியத்தின் உறுப்பினர்களை தமிழக அரசு நியமித்த ஆணைக்கு எதிராக ஜால்ரா மன்னன் அந்த நியமனத்துக்குத் தடை கோரி வழக்குத் தொடர்ந்தார்.
அதுகுறித்து செய்தித்தாள்களில் வெளியான செய்தியை அப்படியே இங்கு தருகின்றோம்.
வக்ஃபு வாரிய உறுப்பினர்கள் நியமனத்துக்கு தடை கோரி வழக்கு: – அமைச்சருக்கு ஐகோர்ட் நோட்டீஸ்!
சென்னை ஐகோர்ட்டில் ஜவாஹிருல்லா எம்.எல்.ஏ. தாக்கல் செய்த மனுவில் கூறப்பட்டு இருப்பதாவது:-
வக்பு வாரியம், கோடிக்கணக்கான சொத்துகளை நிர்வகித்து வருகிறது. இதற்கான உறுப்பினர்களாக பிற்படுத்தப்பட்டோர்,மிகவும் பிற்படுத்தப்பட்டோர், சிறுபான்மை நலத்துறை அமைச்சர் முகமது ஜான், எம்.எல்.ஏ. அப்துல்ரகீம், எம்.பி.க்கள் ஹாரூன் ரஷீத், அமீர் அலி ஜின்னா மற்றும் தமிழ்மகன் உசேன், பாரூக்,தலைமை ஹாஜி (சன்னி) சலாஹுதீன் அயூப், தலைமை ஹாஜி மெஹ்திகான் ஆகிய 8 பேரை நியமித்து 15.6.12 அன்று தமிழக அரசிதழில் அறிவிப்பு வெளியிடப்பட்டது.
இந்த நியமனத்தில் விதிமுறைகளை பிற்படுத்தப்பட்டோர் நலத்துறை செயலாளர் சரியாகப் பின்பற்றவில்லை என்பதால்,தகுதியுள்ள என்னால் உறுப்பினராக தேர்ந்தெடுக்கப்படாமல் போய்விட்டது. தகுதியில்லாதவர் கூட உறுப்பினராக தேர்வு செய்யப்பட்டுள்ளார்.
தேர்தலுக்கு வாய்ப்புள்ள நிலையில் அரசு தனது இஷ்டப்படி ஒருவரை உறுப்பினராக நியமிக்க முடியாது. நியமன உறுப்பினர்களின் எண்ணிக்கையைவிட தேர்ந்தெடுக்கப்படும் உறுப்பினரின் எண்ணிக்கைதான் அதிகமாக இருக்க வேண்டும். விதிமுறைகளை பின்பற்றாமல் உறுப்பினர்களை நியமனம் செய்து பிறப்பித்த உத்தரவை ரத்து செய்ய வேண்டும்.
இவ்வாறு அதில் கூறப்பட்டுள்ளது.
இந்த மனுவை நீதிபதி கே.சந்துரு விசாரித்தார். இந்த மனுவுக்கான பதில் மனுவை 2 வாரத்துக்குள் தாக்கல் செய்யும்படி அமைச்சர் முகமது ஜான், அரசுச் செயலாளர் மற்றும் உறுப்பினர்களுக்கு நோட்டீஸ் பிறப்பிக்க நீதிபதி உத்தரவிட்டார்.
மேற்கண்டவாறு செய்தித்தாள்களில் செய்தி வெளியாகியிருந்தது.
ஒவ்வொருவரும் ஒவ்வொரு சமுதாய நலன் கருதி தீமைக்கு எதிராக களம் காணுவார்கள். நீதிமன்றத்தில் வழக்குத் தொடுப்பார்கள். ஆனால், இந்த ஜால்ரா மன்னனோ தன்னை வக்ஃபு வாரிய உறுப்பினராக தமிழக அரசு நியமிக்கவில்லை. அதனால் இந்த உத்தரவு செல்லாது என்றும், தமிழக அரசு நியமனம் செய்து பிறப்பித்த உத்தரவை ரத்து செய்ய வேண்டும் என்றும் நீதிமன்றத்தில் வழக்குத் தொடுத்துள்ளார் என்றால் இவரது பதவி வெறியை, பதவி மோகத்தை நாம் என்னவென்பது?
ஜால்ரா மன்னனின் இந்த நடவடிக்கையில் ஏதாவது சமூக நலன் உள்ளதா? இல்லை. அறவே இல்லை. முழுக்க முழுக்க தனக்கு பதவி வழங்கப்படவில்லை என்ற ஒரே காரணத்திற்காக இவர் இந்த வழக்கை தொடுத்திருப்பதிலிருந்து அவர் தன்னைப் பற்றி இந்த இஸ்லாமிய சமுதாயத்திற்கு தெளிவுபடுத்தியுள்ளார்.
தற்போது இவர் தன்னை உறுப்பினராக அறிவிக்காதததால், இந்த நியமனத்தை ரத்து செய்ய உத்தரவிடக்கோருவதற்கு அவர் சொல்லும் காரணம், முஸ்லிம் எம்.எல்.ஏ.க்கள், மற்றும் முஸ்லிம் எம்.பி.க்கள் ஒன்று கூடி ஓட்டுப்போட்டுத்தான் வக்ஃபு வாரிய உறுப்பினர்களைத் தேர்ந்தெடுக்க வேண்டுமாம். அப்படியில்லாமல் தன்னிச்சையாக இவர்கள் அறிவித்ததை ரத்து செய்ய வேண்டுமாம். அதுதான் இவர் சொல்லும் காரணம்.
அப்படியானால், இதற்கு முன்பாக தி.மு.க. ஆட்சியில் ஹைதர் அலியை வக்ஃபு வாரிய சேர்மனாக அறிவித்தார்களே! அப்போது இதுபோல தேர்தல் நடத்தி முஸ்லிம் எம்.எல்.ஏ.க்கள் மற்றும் எம்.பி.க்கள் எல்லாம் கூடி ஓட்டுப் போட்டுத் தேர்ந்தெடுத்துத்தான் அவரை அறிவிப்புச் செய்தார்களா? இல்லையே! அப்படியானால், இவருக்குச் சாதகமாக ஒரு முடிவை அரசு அறிவித்தால் அப்போது விதிமுறைகள் பேணப்படத்தேவையில்லை. அதேநேரத்தில் இவருக்கு எதிராக ஒரு நிலைப்பாட்டை அரசு அறிவித்தால் அப்போது மட்டும் இந்த ஜால்ரா மன்னர் சட்டம் பேசுகின்றார் என்றால், இது எப்படிப்பட்ட சந்தர்ப்பவாதம்? இது எப்படிப்பட்ட அயோக்கியத்தனம் என்பதை மக்கள் விளங்கிக் கொள்ள வேண்டும்.
நீதிமன்றத்தில் இது வழக்காக தொடுக்கப்பட்டுவிட்டதால் அந்த வழக்கு குறித்து அதனுள் செல்ல நாம் விரும்பவில்லை. அதுபோல இவர் சொல்லக்கூடிய சட்டதிட்டங்கள் அடிப்படையில்தான் தேர்வு செய்யப்பட வேண்டுமா? இல்லாவிட்டால் அது செல்லாதா? என்பது குறித்தும் நாம் சர்ச்சை செய்ய விரும்பவில்லை. இங்கு நாம் சுட்டிக் காட்ட விரும்பும் முக்கியமான விஷயம், இவ்வளவுக்கும் மீறி இவரது பதவி வெறி எந்த அளவுக்கு தலைவிரித்து ஆடுகின்றது என்பதை தெளிவுபடுத்துவதே!
பொருளாதார மோசடி வழக்கில் சிக்கியவருக்கு பதவி கிடைக்குமா?:
அதுமட்டுமல்லாமல், இந்த ஜால்ரா மன்னன் சமீபத்தில்தான் பொருளாதார மோசடி வழக்கில் சிக்கி, இவருக்கு ஓராண்டு ஜெயில் தண்டனை விதிக்கப்பட வேண்டும் என்பதை தனக்கு தீர்ப்பாகப் பெற்று வெளியில் நடமாடிக் கொண்டிருக்கின்றார். அப்படியிருக்கையில் அரசாங்கத்தின் பார்வையில் மோசடி மன்னனாகத் திகழக்கூடிய இந்த ஜால்ரா மன்னனுக்கு எப்படி வக்ஃபு வாரியப் பதவி கிடைக்கும் என்பதை அவர் யோசிக்க வேண்டாமா? அந்த அளவிற்கு அவருடைய பதவி வெறி தான் ஓராண்டு ஜெயில் தண்டனையைத் தீர்ப்பாகப் பெற்ற குற்றவாளி என்பதையும் கூட மறக்கடிக்கச் செய்துவிட்டதா? அந்த அளவிற்கு இவரது பதவி வெறி தலைக்கேறி விட்டது.
இதற்கு வழக்குப் போட்டுள்ளீர்களே! உங்களுக்கு மான ஈனம் இல்லையா?:
ஜால்ரா மன்னன் தனக்குப் பதவி கிடைக்கவில்லை என்பதற்காக வழக்கு தொடுத்துள்ளாரே! அவரிடம் ஒரு கேள்வி கேட்க விரும்புகின்றோம்.
சென்ற பாராளுமன்றத் தேர்தல் பிரச்சாரத்தின் போது, ம.ம.கட்சியினர் வக்ஃபு வாரியச் சேர்மன் பதவியைப் பயன்படுத்தி பலகோடி ரூபாய் வக்ஃபுச் சொத்துக்களை தின்றுவிட்டனர். ஊழல் செய்து கொள்ளையடித்துவிட்டனர். வக்ஃபுச் சொத்துக்களைத் தனியாருக்குத் தாரைவார்த்துக் கொடுத்துவிட்டனர் என்று பகிரங்கமாக குற்றச்சாட்டு சொல்லி அதை உணர்வு இதழிலும் ஆதாரத்தோடு வெளியிட்டு அம்பலப்படுத்தினோமே அதற்கு எதிராக எங்கள் மீது வழக்குத் தொடுத்தீர்களா?
நீங்கள் உண்மையாளர்களாக இருந்திருந்தால், வாத்தியாருக்கு உண்மையிலேயே மான ஈனம் என்பது இருக்குமேயானால் மானம் போகக்கூடிய இந்த விஷயத்திலல்லவா வழக்குத்தொடுத்திருக்க வேண்டும். செய்தார்களா? இல்லவே இல்லை.
அதுமட்டுமல்ல வக்ஃபு வாரியச் சேர்மனாக இருந்து கொண்டு கொள்ளையடித்தவை எவ்வளவு? ஊழல் செய்தது எவ்வளவு? தாரை வார்த்ததுக் கொடுத்தது எவ்வளவு என்பதை தோலுரித்துக்காட்ட பகிரங்க விவாதத்திற்கு அழைத்து அவர்களது அலுவலகத்திற்கே நேரில் சென்று அவர்களிடம் விவாத அழைப்புக் கடிதம் கொடுத்தோம். விவாதிக்க வந்தார்களா இந்த ம.ம.கட்சியினர். வரவே இல்லையே!. அன்று பின்னங்கால் பிடரியில் அடிக்க ஓட்டமெடுத்தவர்கள்தான்; இன்று வரை அது குறித்து மூச்சு விடக்கூட மறுக்கின்றனர்.
இவர்கள் சரியான ஆட்களாக இருந்தால், உண்மையிலேயே வாத்தியாருக்கு வெட்கம், மானம், சூடு, சொரணை என்பதெல்லாம் துளியளவாவது இருக்குமென்றால் நம்மோடு விவாதித்து, நாங்கள் குற்றமற்றவர்கள் என்பதை நிரூபித்துவிட்டு, தனக்கும் வக்ஃபு வாரிய உறுப்பினர் பதவி வேண்டும் என்று கூறி இந்த வழக்கைத் தொடுத்திருப்பாரேயானால் இவரை தைரியசாலி என்று சொல்லலாம். ஆனால் அப்போதும் தனக்காகத்தான் தனது பதவி வெறியின் உச்சத்தில்தான் வெறிபிடித்து இந்த வழக்கை தொடுத்துள்ளார் என்ற உண்மையை இவர் மறைக்க முடியாது.
அனைத்தும் உங்களுக்குத்தானா?:
வாத்தியாருக்கு எந்த அளவுக்கு பதவி வெறி பிடித்தாட்டுகின்றதென்றால், இராமநாதபுரத்தில் வேட்பாளராக நிற்பதற்குக்கூட நான் தான் வேட்பாளராக நிற்பேன்; சென்னை எனது ஊராக இருந்தாலும் இங்கு தோற்கக்கூடிய சேப்பாக்கம் தொகுதியில் நான் நின்று தோற்றுப்போகத் தயாரில்லை; சேப்பாக்கத்தில் நின்று தோற்றுவிட்டு பின்பு கண்ணீர் கடிதம் எழுதுவதற்கு என் அடிமைத் தம்பி தமீம் அன்சாரி உள்ளார். அவர் சேப்பாக்கத்தில் நின்று தோற்கட்டும் என்று ஐடியா செய்து தானே இராமநாதபுரத்தில் போட்டியிட்டார். அந்த அளவிற்கு பதவி ஆசை.
• அதுமட்டுமல்ல எம்.எல்.ஏ சீட் கொடுத்தாலும் அதுவும் எனக்குத்தான்.
• எம்.பி சீட் கிடைத்தாலும் அதுவும் எனக்குத்தான்.
• வக்ஃபு வாரியத்தில் உறுப்பினர் என்றாலும் அதுவும் தனக்குத்தான் என்று சொல்லக்கூடிய அளவிற்கு இவருக்கு
பதவி ஆசை தலைக்கேறி உள்ளது. தமிழில் ஒரு பழமொழி சொல்வார்களே, “கல்யாண வீடாக இருந்தால் நான்தான் மாப்பிள்ளையாக இருக்க வேண்டும்; இளவு வீடாக இருந்தால் நான்தான் பிணமாக இருக்க வேண்டும்” என்று. அந்தப் பழமொழி இந்த ஜால்ரா மன்னனுக்குத்தான் ரொம்ப பொருந்தும்.
• பதவி வெறி பிடித்தவர் என்றாலும் அதுவும் நானாகத்தான் இருக்க வேண்டும்.
• ஜால்ரா தட்டுவதில் மன்னன் என்ற பட்டம் என்றாலும் அதுவும் எனக்குத்தான் கிடைக்க வேண்டும்.
• புளுகுவதில் மன்னர் பட்டம் கிடைப்பது என்றாலும் அதுவும் தனக்குத்தான் கிடைக்க வேண்டும் என்று இவர் ஆசைப்படுவது ரொம்ப ஓவராகத்தான் உள்ளது.
அவரவர் நிர்வகிப்பதுதான் சரியானது:
இப்படி வக்ஃபு வாரியத்திலுள்ள இந்த பதவிக்காக அலையோ அலை என்று அலைவதற்குக் காரணம் எப்படியாவது இந்தப் பதவியைப் பெற்று வக்ஃபுச் சொத்துக்களை கொள்ளையடிக்க வேண்டும் என்ற நப்பாசைதான். அதனால்தான் தனது மனுவின் ஆரம்பத்திலேயே, “வக்பு வாரியம், கோடிக்கணக்கான சொத்துகளை நிர்வகித்து வருகிறது” என்று கோடிகளைக் குறிப்பிட்டுக் கோடிட்டுக் காட்டுகின்றார்.
இந்த வக்ஃபு வாரியத்தின் மூலம் இஸ்லாமியர்களின் சொத்துக்கள் பறிபோகின்றதே தவிர பாதுகாக்கப்படுவதில்லை என்பதுதான் நிதர்சனமான உண்மை. அதனால்தான் தமிழ்நாடு தவ்ஹீத் ஜமாஅத் இப்படி ஒரு வாரியமே தேவையில்லை; அதைக் கலைத்துவிட வேண்டும் என்று கோரிக்கை வைக்கின்றது.
கடந்த வாரம் இராமகோபாலன் கூட ஒரு அறிக்கை வெளியிட்டுள்ளார். அதில் இந்து கோவில்களுக்குச் சொந்தமான சொத்துக்களை இந்து அறநிலையத் துறையின் கட்டுப்பாட்டில் அல்லாமல் சம்பந்தப்பட்ட கோவில் நிர்வாகமே அதை நிர்வகிக்கும் வகையில் அனுமதி வழங்கப்பட வேண்டும் என்று தனது அறிக்கையில் கூறியுள்ளார்.
காரணமென்னவென்றால் அப்போதுதான் பொதுச்சொத்துக்கள் தனியாருக்கு தாரைவார்க்கப்படும் அயோக்கித்தனங்கள் குறையும் என்பதால். அதுபோல கிறித்தவர்கள் தங்களது தேவாலய சொத்துக்களை அவரவர்களே நிர்வகித்துக் கொள்வதால் வளர்ச்சிப்பாதையை நோக்கி அவர்கள் செல்கின்றனர். அதுபோல பள்ளிவாசல் சொத்துக்களை வக்ஃபு என்ற பேரில் அதில் கொண்டு போய் சேர்த்துவிட்டு பறிகொடுப்பதற்கு பதிலாக சம்பந்தப்பட்ட பள்ளிவாசல் நிர்வாகமே அதைப் பாதுகாத்தால் ம.ம.கட்சியினரைப் போல கொள்ளையடிக்கத் துடிக்கும் கொள்ளைக்காரர்களுக்கு ஆப்பு விழும். அந்த வகையில் வக்ஃபு வாரியத்தைக் கலைத்துவிட்டு புதிய சட்டதிருத்தத்தை தமிழக அரசு கொண்டு வர வேண்டும்.
உதவியும் வேண்டாம்; தலையிடவும் வேண்டாம்:
அந்த அடிப்படையில் சட்டமியற்றி முஸ்லிம்களின் சொத்துக்கள் பாதுகாக்க வழிவகைகள் செய்யப்பட வேண்டும் என்பதுதான் நமது கோரிக்கை. முஸ்லிம்களின் சொத்துக்களில் அரசு தலையிடவும் வேண்டாம்; எந்த உதவியும் செய்யவும் வேண்டாம்” என்றாலே அவர்களது வக்ஃபு சொத்துக்கள் பாதுகாக்கப்பட்டுவிடும். இதைச் செய்தால் நீதிமன்றங்கள் வாத்தியார் தொடுத்த இது போன்ற வழக்குகளை விட்டும் தவிர்ந்து கொள்ளலாம்.
தமிழக அரசு இதைச் செய்ய முன்வருமா?
ஏற்கனவே செய்த அட்டூழியங்கள் போதாதா? :
ஏற்கனவே இந்த ம.ம.கட்சியின் பொதுச்செயலாளர் ஹைதர் அலி என்பவர் வக்ஃபு வாரியச் சேர்மனாக இருந்த போது என்னென்ன அட்டூழியங்கள் செய்தார் என்பதையும், வக்ஃபு வாரியச் சேர்மன் பதவியைப் பயன்படுத்தி,
• இவர்கள் செய்த கட்டப்பஞ்சாயத்துக்கள் எவ்வளவு?
• பள்ளிவாசல் ஜமாஅத் நிர்வாகிகளை இவர்கள் அந்தப் பதவியை வைத்து எப்படியெல்லாம் மிரட்டினார்கள்?
• எந்த அளவிற்கு வக்ஃபு சொத்தை தனியாருக்குத் தாரைவார்த்தார்கள்?
• எந்த அளவிற்கு ஊழல் செய்தார்கள்
என்ற கதையெல்லாம் சொல்லிமாளாது.
அப்படிப்பட்ட அயோக்கியத்தனத்தைச் செய்து பதவி சுகம் அனுபவித்து ஊர்சொத்தை உலையில் அடித்துப் போட்டது போதாதென்று தற்பொழுது தனக்கு அந்த உறுப்பினர் பதவி வேண்டும் என்று இந்த ஜால்ரா மன்னர் கேட்கின்றார் என்றால், ஏன் இந்த எலும்புத்துண்டிற்காக இந்த அளவிற்கு மானமிழந்து நிற்கின்றார்கள் என்பது விளங்குகின்றதா? மறுபடியும் அந்த கட்டப்பஞ்சாயத்து, ஊழல், சுரண்டல், வக்ஃபு சொத்துக்கள் தாரைவார்ப்பு என்று சகலத்தையும் செய்து காசு பார்க்கத்தான் என்பது விளங்குகின்றதா? இல்லையா?
இதுதான் சமுதாய ஒற்றுமை பேணும் லட்சணமா?:
இந்த ஜால்ரா மன்னன் சமுதாய ஒற்றுமை குறித்து அடிக்கடி வாய்கிழியப் பேசுவார். வழக்குத்தொடுத்த இந்த ஜால்ரா மன்னன் என்ன செய்துள்ளார் தெரியுமா?. தனது மனுவில் வக்ஃபு வாரிய உறுப்பினர்களாக நியமிக்கப்பட்ட அனைவருக்கு எதிராகவும் நோட்டீஸ் அனுப்பியுள்ளார். அதில் இவரை விட அரசியலிலும், அனுபவத்திலும் மூத்த ஹாரூன் எம்.பி மற்றும் இன்னபிற முஸ்லிம் அரசியல்வாதிகளும் அடங்குவர். இந்த அளவிற்கு கேவலமாக யாராவது பதவிக்காக அநாகரீகமான முறையில் நடந்து கொள்வார்களா?
இவர் உண்மையிலேயே சமுதாய ஒற்றுமையை விரும்பக்கூடியவராக இருந்தால், அவர்களுக்காக நான் விட்டுத்தருகின்றேன் என்று சொல்ல வேண்டியது தானே! அதை விட்டுவிட்டு அவர்களை வக்ஃபு வாரிய உறுப்பினராக நியமித்தது செல்லாது என்று உத்தரவிடச் சொல்லி இவர் வழக்குத் தொடுப்பதிலிருந்தே இவர் பேசும் சமுதாய ஒற்றுமை என்பதெல்லாம் வாய்ஜாலம்தான் என்பதும், தனக்குப் பதவி கிடைக்கவில்லையென்றால், அந்தப் பதவியைப் பெறுவதற்காக இவர் யாருக்கு எதிராகவும் வழக்குத்தொடுப்பார் என்பதும் இதன் மூலம் தெளிவாகின்றது.
ம.ம.கட்சியின் மற்றொரு எம்.எல்.ஏ அஸ்லம் பாட்ஷாவுக்கு உறுப்பினர் பதவி கொடுங்கள் என்று கேட்க மனமில்லாதவர், அடுத்த கட்சியினரை விட்டு வைப்பாரா என்று கேட்கின்றீர்களா? அதுவும் நியாயமான கேள்விதான்.
நன்றி :www.tntj.net
நன்றி :www.tntj.net
